nazm: tuu sochta ho ga…!!

Standard

aye meri qom ke bachchay tuu sochta ho ga..!!

kitna farq hai kisi ke kehne aur honay mein

jama’at mein ustani  ne ek din kaha tha

ek sha’ir ka khwaab hai ye khitta e zameen

per kitna bhayanak ho ga woh khwaab

ke jiski yeh taa’beer hai.. tuu sochta ho ga..!!

 

kia yehi woh watan hai jiski tareekh

Bhatti o Abbasi o Tufail ne khoon se likhi

kahan gayee woh azmat e rafta jiski qasm kha ker

dushman ki goli jawano ne seenay per roki

kioon neend aa gaye josheelay jazbon ko

kioon so gaye woh sarhad per.. tuu sochta ho ga..!!

 

pehle ki tarah khet ab bhi yahan lehlahate hain

saawan aur bahaar hamesha ki tarah aatay jaatay hain

hawaain gungunaati hain, phool khil khilatay hain

per khet se roti ab kioon nahi ugti?

ab ke bahaar kia gayee ke khizaan ne apne dairay

kioon mustaqil daal liye hain.. tuu sochta ho ga..!!

 

shub ke andheray mein roshni ke liye

maan ke haath mein diya tou hai lekin

tel ki khali botal se guzar ker uski nazrain

hasrat se baba ko kioon tak rahi hain

hairaan hoon kia ho gaya hai maan ko

bijli ka button dabana bhool gayee hai..tuu sochta ho ga..!!

 

waqt ke sahil per zindagi gend ki manind

uchchalti takrati, khushnuma khel ki manind

har anay wali leher per sawar,  shahsawar ki manind

apnay hi baankpan mein duur nikal gayee hai

na janay kis bhanwar mein phans gayee hai

kia apnay hi taapon se kuchal gayee hai?.. tuu sochta ho ga..!!

 

May 26th, 2011

Advertisements

About nusrat osama

I started my career as a teacher in Presentation Convent School, Risalpur,then worked as teacher at PAF College Chaklala. I pioneered two schools in Rawalpindi, Pakistan. ( Divisional Public School and Joint Services Public School,Chaklala) I resigned from the last leg of my service as Principal DA Model High School, ph 4, Karachi.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s