NAZM: ‘ AYE WATAN ‘

Standard

aye watan azal se raha hai mehrban tu

rang o nasl se be parwa, sab ka saiban tu

teri mitti ki mehak amber o mushk se bertar hai

teri fazaon ke rang qos e qazah se barrh ker hain

subhein teri azaanon se goonjti hain

teri shamein roshnion se jagmagati hain

 

ameer o gharib, tifl o buzurg sab ka saiban

khuddar o ghayyur qom ki khudi ka nishan

Shaair e Mashriq ke haseen khwab ki taabir hai

Qaid ke juhad aur lagan se ta’meer hai tu

kioon rang o nasul ka fasaad tujh per ghalib hua

kis ne teri qomiat ka rang daghdaar kia

ab bhi azaanon se teri subhen goonjti hain

lekin andheron ne kioon shamon ko teri barbaad kia

sarrkon pe teri khoon ye kis ka behta hai

tifl o buzurg, mard o zan koi faraq na kia

wadi swat ki ho ya jehlum o ravi ki

koh o daman, jungle o basti sabhi ko khoon asham kia

teri itr bez hawaon mein barood ki boo

khof o becheni ne har kas ko lachaar kia

tere madrasay jo no nonihalon se mehkte thay

ilm ke dushmanon ne unhen mismaar kia

shaair e mashriq ke khwab ki kia yehi taabeer thi

qaid ke usoolon ko kioon pa ba zanjeer kia

faash ho jai unka parda jo tere dushman hain

jee uthay woh jisne teri muhabbat ka parcahr kia

17th november,2010

Advertisements

About nusrat osama

I started my career as a teacher in Presentation Convent School, Risalpur,then worked as teacher at PAF College Chaklala. I pioneered two schools in Rawalpindi, Pakistan. ( Divisional Public School and Joint Services Public School,Chaklala) I resigned from the last leg of my service as Principal DA Model High School, ph 4, Karachi.

One response »

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s